Som mange sikkert veit vart streiken i offentleg sektor avverga i natt, då partane blei samde om lønsoppgjeret. Det som har fått mest dekning i avisene er jo pensonsordninga, men også lønsauka er ein del av oppgjeret, og som ein ung mann med stort lån er eg naturligvis mest oppteken av denne delen av oppgjeret. Pensjonsavtala er også viktig, men ho blir sikkert endra både ein og to gonger før mi tid i alle høve.

Då avisene meldte at oppgjeret var slutt, såg det ut til at alle hadde saksa frå den same pressemeldinga. Eg saksar frå heimesidene til Unio:

Resultatet av det økonomiske oppgjøret i staten ble på cirka 4,4 prosent. Profilen er i samsvar med kravet. Det gis et tillegg på 2400 kroner fram til og med lønnstrinn 45, og et prosentvis tillegg på 0,68 prosent for lønnstrinnene 46 – 80. Fra lønnstrinn 81 til 95 gis et tillegg på 4800 kroner.

Det som ikkje stod nokon stad, er eksakt kva dette tyder. Eg er nemlig ein tanke forvirra. Først kan ein lese at resulatet blei 4,4%. Kva tyder så det? Ei lønsauke på 4,4%? Vidare les ein at lønstrinna 0 til 45 gis eit tillegg på 2400 kroner, og det er her er byrjer stusse. 2400 kroner er nemlig ikkje 4,4%, men til dømes 0,68% av lønstrinn 45, og naturlegvis noko meir av dei lavare lønstrinna. Så kva har vi eigentleg å forhalde oss til? Det er ikkje det at eg er så voldsomt oppteken av kor mykje meir eg vil tene, men eg likar ikkje upresis informasjon. Særleg ikkje når alle avisene skriv akkurat det same.

Ellers kan eg nemne at eg merker det går litt treigare å skrive på nynorsk enn på bokmål, men no har eg i det minste auka nynorskandelen min her på sida frå omtrent ein promille til omtrent tre. Eg vil dermed seie eg er på god veg mot mitt uttalte mål om ti prosent.

-Tor Nordam